话说23号我地高中宿舍班友搞左次聚会，去左北京路果边一间sun姐介绍既桌游店玩桌游，好好玩啊，笑到发癫~

系啦，今次出场既有淫笑、sun姐、圆、zayong、艳莉姐同埋我。唔好意思。。我又迟到左。。个半钟。。。。啊哈哈哈。。。。。要煮饭啊嘛。。。真系唔好意思。。。啊哈哈哈。。。

咳咳，讲翻今次既聚会，果间桌游店其实系甘既，提供多种桌面游戏，然后一人20蚊坐无限个钟兼且有红茶无限次续杯，不过其实都好好赚咯我觉得，果日真系好想问个店主要唔要人加盟阿，哈哈~唔好意思，又偏题。话说去桌游店就梗系玩桌游嘎啦，我地果日主要就玩左猜猜画画同埋通缉令，好好玩啊~

猜猜画画系甘噶，个盒里面有好多张卡片，里面写住好多唔同既词语，分组玩，一个人抽卡然后按照卡上面既词来画画，唔可以出声，都唔可以写任何文字，只可以画画，然后距既组员就根据距画既野系限定时间里面估出果个词，估中就可以碌骰子好似玩飞行棋甘前进。我同zayong艳莉姐三只狮子一组，淫笑sun姐同阿圆一组。好啦，下面要将我地玩既时候大家画既部分大作放上来啦~系啦，白板上面D字系后来开估之后再写上去配合影相噶~

（以下情节包含暴力xx及恐怖成分，敬请家长留意）

首先系zayong既大作，你居然够胆死话右上角果旧物体系雪花？！好明显就系蜘蛛网啦！

淫笑君呢条。。。明显就系萝卜啦！居然甘都比人估到系鱿鱼。。救命。。

阿圆呢个好鬼搞笑~大家知唔知距究竟想表达咩呢~~？——就系森林大火啦~哈哈哈哈哈~笑死我地了~

跟住又轮到zayong啦，距居然话呢个系木乃伊。。救命，木乃伊唔信耶稣噶。。真系想估死我地咩。。

唔好意思，呢幅野系我画既~其实一开始净系得个向后既箭头噶咋，后尾距地死估都净系估到个“弯”字，甘我谂住向日葵有个“向”字啊嘛，米画左棵向日葵上去咯，点知距地居然估成“太阳弯”“葵花弯”。。跟住开估之后仲比距地笑左一大轮，死人淫笑君仲要话距会夜晚训觉发梦梦到个葵花弯然后笑醒。。搞错啊，都无D默契噶你地，甘形象都估唔到。。都唔系同人“心有芫茜一乍葱”噶。。

然后呢个神奇啦。。sun姐就系画左右上角果两个连埋一齐既不规则四边形之后，淫笑就即刻估到系图书馆啦！7线噶你地。。。有无搞错啊。。甘你都睇到系图书馆？！你系咪傻噶淫笑君？！

醒幅艳莉姐既大作，无天理噶，系我估到既果一秒种就刚刚好过左规定时间啦，啊啊啊啊啊啊。。。。。

又到sun姐啦，呢pie甘既野居然系瀑布。。瀑布。。救命。。明显就系一条流紧鼻涕既友仔啦。。

又轮到zayong啦，呢旧甘既野点叫人估得到原来系雕刻啊姐姐仔。。。

发觉啊圆画既野都好鬼抽象~各位观众，呢个叫做——杂志架。。。。

次次见到sun姐呢幅都觉得好鬼搞笑~一开始其实净系得个人面噶咋，然后就多左右手边果只类似人既物体，{zh1}加左果旧好似番薯咁样既圆圈类物体~我地问“sun姐你想表达害怕点解要画旧番薯上去啊？”，距话，“唔系啊。。其实我系想画一只幽灵。。旁边果只系僵尸来噶。。。”哈哈哈哈哈哈哈哈哈哈哈~

{zh1}一张系阿圆既——人口过多示意图~你唔好以为画几只人仔系个圆圈里面就叫人口过多先得噶~距仲要话某只人坐住果旧类似香蕉既物体。。其实，系表示中国地图既果只鸡。。

虽然战况激烈，我地组处于下风好长一段时间，不过{zh1}凭住我地既智慧，同埋精湛既画技，都系赢左距地三条友，挖哈哈哈~

玩完呢个猜猜画画，我地就玩通缉令啦，详情点玩就唔讲啦，不过都几好玩噶，好紧张刺激~我地一路玩一路狂笑~扮小偷既时候个个都好动作齐整，超搞笑~zayong话，抢xx牌果阵简直就暴露晒所有人性既黑暗面啊~哈哈~不过呢个游戏真系无翻甘上下狼死都好难赢~

玩到六点左右，我地就闪人走去吃饭啦，{zh1}决定去果间乜鬼“深白色猫馆”（大概系甘既名啦，唔系好记得，哈哈~）吃饭，发觉里面其实一般般啦，装修同埋服务态度都系，食物都系，其实比较一般，同我学校门口间西餐厅差唔多，不过就贵一倍。。都系唔推荐大家去啦。。

吃完饭之后，艳莉姐sun姐同阿圆都归家啦，淫笑zayong同我就走左去市一宫睇《七十二家租客》，其实都几搞笑，尤其系坏lift果段，超搞，笑到我地肚痛~睇完之后淫笑都归家鸟，zayong就鼠左来我屋企过夜啦~大家都知道呢只女人系何其地八卦嘎啦，所以我间房里面既相就比距全部八卦晒一次啦~只女人居然仲拿住我地大一果阵时影既贴纸相指住距自己问我“咦~呢个边个来噶？你亲戚啊？我都有件甘既衫喔~”。。我极其之鄙视甘同距讲“咪系你咯”之后，距就比自己既憨居行为搞到死笑烂笑，笑到停都停唔到，你个变态女人啊。。。。

跟住我地促膝详谈左好耐好耐，都唔知几点先至训既其实。。衰啦你，次次叫完唔倾啦训觉啦之后一分钟又撩我讲嘢。。发觉次次只要有人来过夜，都肯定会倾到好夜训，哈哈。。

啊。。老豆唔系屋企呢几日都好鬼死夜训，啊。。残死了。。。写完日志，训觉~