今次系我{dy}次自由行去旅行。1月14号傍晚搭火车出发去石家庄，1月15号下午到达，虽然话今次旅行嘅目的地系北京，但系我地嘅{dy}站系石家庄。

石家庄呢个城市比我{zd0}嘅感受就系天空灰蒙蒙一片，到处系粉尘，相对省会黎讲，系一个比较落后嘅城市。现代化嘅建筑同呢座城市有d格格不入。基本上没乜好感，卖野好贵，不过食野就好抵，而且饺子味道唔错。

经过一日嘅石家庄短暂歇息，1月16号傍晚搭和谐号入北京

车上有一班人，人手一袋GUCCI，睇黎来头不少，而且有位貌似北京高官嘅人开口埋口都话老百姓的......落左火车仲有部A6响月台上面接距，噢噢，高官吖～响皇城真系到处都系高官吖！

1月17日早上，正式我地嘅北京之旅～

北京嘅早上真系好冻，{dy}次感受到北方嘅早晨，好特别。虽然冻，但系只要件衫唔入风就得喇，零下几度问题唔大。由于星期日，街上嘅车同行人都好少，特别显得冷清。

由于我地间酒店就响鸟巢隔离，行过去5分钟就到了，所以就先去鸟巢，

鸟巢系一个比较昆钱嘅地方，不过去嘅人都系有唔少嘅。奥运，系一个商业项目，如果唔系咁高价卖门票，点会有人投资起呢座咁劳民伤财嘅建筑物呢～

鸟巢内部，场内搞紧冰雪嘉年华。

 冬日嘅鸟巢，与奥运时那热火朝天嘅地方相比，有一种被遗弃嘅失落。

周围有好多人响度讲“快照快照,1分钟快照”，不过就系唔会同我地讲，因为我地手上都有部机。

下午，我地出发去颐和园。颐和园位于北京西北面，系一个好大嘅皇家花园！

颐和园，昆明湖，长廊...小学时学过嘅课文，我仲记得当时系要背诵嘅～

颐和园外面有好多导游不断咁同你介绍颐和园，想d散客请距地做导游，我建议千其唔好听距地讲，可能系骗局，出外旅行要万事小心，唔好信陌生人，电视都有教喇，要大声叫唔好！

冬天颐和园嘅游人唔多，而且园内面积系故宫4倍。

 呢个指示牌，系话比我地听冰面系安全的，大家记得要爬入去玩下～

所以我地就一直行一直行，稳d唔使跨栏嘅地方落湖面，因为身上都背住唔少野，高难度动作都系免了。

雪下系结左冰嘅湖面，冰面好厚，好滑，CAT都唔系一定防滑的。

响颐和园主要系稳影到靓相嘅地方，所以都行左好远嘅路。

响雪地上行走系比较辛苦的，行完之后脚板好冻，而且好累。

由于北京处于高纬度地区，太阳一直处于偏南方，光线比较柔和，十分适合影相。

老人家玩紧空竹，距话自己已经玩左两年。距话北方好流行玩呢样野，而且仲表演左好多花式比我地呢D孤陋寡闻嘅人睇～

呢个故事其实唔系小朋友打妈妈，响我按下快门之前，其实系妈妈教紧小朋友读字。不过唔知点解响我按下快门后就变成咁喇～

路上遇到一对相互搀扶嘅老夫妇，太温馨了！冬天，对老人家嘅考验系好大的。

 离开嘅途中见到有人响雪地上留下相爱嘅印记～

北京嘅出行其实搭地铁同搭公交都唔贵的，地铁2蚊任坐，公交就1蚊，不过的士起表价10蚊再加1蚊燃油附加，部分景点与景点之间嘅距离好比较远的，视符出行地点方便与否选择合适嘅交通工具吧～

晚上就翻酒店隔离嘅鸟巢影鸟巢夜景，好烦北京好多地方都要安检！

夜晚游人唔多，不过“快照”同“纪念品”依然好多，个个都上黎问候下你～

每次入奥林匹克公园都行好远，距响好远嘅地方已经禁行了。

{dy}日嘅旅程就完了～