上午，在小区练功场锻炼，遇到刚刚退休的老朋友、老邻居邱先生，随便聊聊，有点意思，记录如下。

因为对话都是沪语，能够看xx文并全部读懂的话，您的沪语资格考试，一定能够得高分。如有需要官方翻译的普通话版本，可以拿一张世博会门票来换。

====================================== 

本人：嗨，老邱，侬好，侬好！

老邱：侬好，勒浪锻炼啊。

本人：长远没看到侬了，投五投六勒浪忙点啥？

老邱：喏，帮里委里登记票子呀。

本人：啥额票子？

老邱：喏，就是世博会的票子，一家人家一张。

本人：勿是还有200块洋钿了吗？

老邱：啥额200块，没额，一张200块额公交卡，不好掉钞票额。

本人：听讲是市政府发额感谢费。

老邱：啥额感谢费啦，应该是赔偿费。

本人：哪能是赔偿费？赔啥物事？

老邱：哎，伊拉开世博会关阿拉啥事体，弄得来象真额一样，马路浪东掘掘西挖挖，车子堵得来臭要西，每天上下班多搞交关晨光，哪能不要赔。

本人：哈哈……，侬又勿上班。

老邱：我勿上班么，儿子媳妇要上班额，伊拉两介头，天天老捱回来，孙子只好我当老爹额亲自接送，每天xx都勿敢叉，常怕脱特晨光，小倨头蹲了学堂里没人领。

本人：格到是额。

老邱：再讲了，今朝葛达唝隆唝隆，明朝伊达唝隆唝隆，弄得来灰尘{yt}世界，天天蹲了屋里相揩灰阿来勿及，侬讲要赔钞票伐。

本人：有道理，有道理，大家弄点事体做做吗。

老邱：哎，侬晓得伐，或老要里弄里派人到汽车站去打桩。

本人：哪能一桩事体？

老邱：里弄里派人到汽车站立了嗨，看看阿有啥人要惯xx，帮帮忙嗷，弄得来象打桩模子一样，有屁用场，要惯勿是照惯。

本人：有钞票勿啦。

老邱：有一点额。

本人：有钞票勿是蛮好额，钞票耐好了，再便宜点寻格民工顶班，勿是可以拉拉差价了吗？

老邱：三钿勿值两钿，搞勿好了。

本人：格么好坏总关拨侬一张票子罗，还有车卡，正好让侬去白相相。

老邱：帮帮忙嗷，格种断命额会啥人要去，刹那，一张票子，介使去额闲话，一家门还要买两张，300块，再加吃用，照片，砸个隆冬加起来，一个xx白做。

本人：难版一趟，无所谓额牢。

老邱：没介太平额，里相头啥额莫事攒勿好带，吃里相额，喝里相额，勿要忒倨嗷，听讲一碗面要买38块，外头8块，侬又不好买好兹带进去。再讲，连香烟哈勿许吃，一日天下来，勿吃香烟勿要死拨伊看啦。

本人：侬勿去么票子勿要耐了。

老邱：憨伐，憨伐，阿是脑子进水啦，有耐勿耐猪头山，好送人勿啦，再讲可以便宜点买拨两个倒票模子，弄点小钞票捻捻。

本人：侬头子倒蛮活络额。

老邱：再活络还是弄勿过伊拉，侬想呀，格种票子本来就卖勿脱额，现在免费拨哪上海人，叫哪去消费消费，弄脱点铜钿，反正伊门总关开了嗨额，多一额人少一额人，一样迭眼开销，外地人斩勿着斩斩上海人。

本人：还有外国人。

老邱：洋冲头也勿是介好斩额，外国人憨大啊。

本人：交通卡总算便宜踏进牢？

老邱：侬勿懂了，发交通卡是帮公交公司发奖金，否则，公交公司两个老大磨磨洋工，侬耐伊没办法。发了卡逼牢哪去乘车子，酿伊拉多一点进帐。车子侬晓得额，有人没人总关要出来兜一圈额。我耐到卡马上就想办法去退钞票，或者卖拨马路浪额打桩模子，随便啥额卡，伊拉哉收额。

本人：格么侬既然不想去轧闹猛，还帮里委里起劲做啥啦，勿是瞎起劲吗？

老邱：没事体做呀，格两天股票行情看不懂，不敢嘿来来，只好里弄里嘿混混，介介厌气，介介厌气。

本人：格么到世博会去白相，也是介厌气。

老邱：勿一样额，一个要钞票额，袋袋里分勿挺，没办法。

本人：好了，侬忙，侬忙，有空啥晨光请侬一道扳扳老酒，听侬嘎嘎山河。

老邱：一句闲话，有空我约侬。再会。

本人：好，再会，再会，走好。

                   老江湖