曾几何时，我们都是伴随着通俗易懂、幽默诙谐的童谣，连同简单的游戏，渡过了我们快乐的童年。时光飞逝，随着科技的进步和人们生活素质的改善，这些老掉牙的童谣和自己朴素的童年印象，已经被现代忙碌的工作生活所替代。以下精选一些广州话童谣，让时光倒流，让为口奔驰的人们稍微歇一会，重温自己童年快乐的时光。
凼凼转，菊花圆，炒米饼，糯米团，阿妈叫我睇（看）龙船，我吾睇，睇鸡仔，
鸡仔大，摞（拿）去卖，卖得几多钱？卖得三百六十五个仙。
落雨大，水浸街，阿哥担柴上街卖，阿嫂出街着花鞋，花鞋花袜花腰带，珍珠蝴蝶两边排。
排排坐，吃果果，猫衣（小猫）担凳比姑婆坐，坐烂个屎忽（屁股），唔好（不要）赖我，赖番隔离（旁边）个二叔婆
拍大骳，唱山歌，人人话我无老婆，嘀起心肝（下决心）娶返个，有钱娶个娇娇女，
无钱娶个豆皮婆，豆皮婆，食饭食得多，屙（拉）屎屙两箩，屙尿冲大海，屙屁打铜锣。
呈沉剪，呈沉包，呈沉糯米叉烧包。老鼠吾食香口胶，要食豆沙包。
点指兵兵，点指贼贼，点着谁人做大兵，点着谁人做大贼。
点虫虫，虫虫飞，飞到荔枝基，荔枝熟，摘满屋，屋满红，陪住个细蚊公（小孩）。
骑牛牛，牛牛走，牛牛响（在）前咪（不要）回头，若然回头就打箩柚（屁股）。
咕碌咕碌一，咕碌咕碌二，咕碌咕碌三，准备开炮打敌人！
董存瑞，十八岁，为国牺牲炸堡垒，炸到堡垒咯咯脆，全国人民流眼泪。
掟砖头，斗大够，一掟掟到西门口，溅起浪花抛浪头。
劈友，劈友，快嘀（点）走，走得快，好世界，走得磨（慢），无鼻哥（鼻子）。
暧姑乖，嫁后街，后街有鲜鱼鲜肉卖，又有鲜花戴，戴吾晒，摆落床头卑老鼠拉，拉拉拉，拉去大新街，大新街又有个扯皮鞋，扯下开，又扯下埋。
月光光，照地堂，虾崽你乖乖睡落床
听朝（明天）阿妈要捕鱼虾啰，阿爷看牛要上山坡
哦哦哦......
阿崽你快高长大啰 帮手阿爷去看牛羊
哦哦哦......
月光光，照地堂，虾崽你乖乖睡落床
听朝（明天）阿妈要捕鱼虾啰！ 阿嫲织网要织到天光
哦哦哦......
虾崽你快高长大啰 撑艇撒网就更在行
哦哦哦......
咬蔗须：
咬蔗须，要睇毛，短毛输，长毛赢，无毛吾算数。
斗柑：
“篾”开柑，数柑核，边个核多就边个赢，吾准手赖就甘缩骨。
伏垒垒：
一就预备，二就垒埋，三就开盘，四就嚟到，彭到算数。
估手指：
估手指，要估中，边个吾中，就唔中用，裤浪底见个窿。
骑牛牛：
骑牛牛，牛牛走，牛牛响前咪回头，若然回头就打箩柚。
打波子：
大眼鸡，咸鱼头，你屙尿，吾洗手。
碌铜仙：
碌铜仙，打铜钱，全凭眼界手出变，叮响铜钱俾个仙。
xxx：
xxx，泥炮响，唔使揸枪上战场。
飞麻鹰：
折纸机，麻鹰飞，飞来飞去唔落地，麻鹰有条尾。
踩脚趾：
咚啄，酸姜，你阿嬷，缠脚娘。
趿跛跛：
趿跛跛，跳跳脚，咚咚咚，上跳下跳似麻雀。
撞跛脚：
趿跛跛，跛佐蹄，无米煮，煮泥沙，无屋住，住楼梯，楼梯有只鬼，吓到你钻落床下底。
顶手掌：
伸长手，顶手掌，死人都要顶硬上，依牙崩哨就猫甘样。
劈友：
劈友，劈友，快嘀走，走得快，好世界，走得磨，冇鼻哥。
斗远：
斗远掟石头，因住咪甩手，石头最无眼，掟亲吾好眼泪流。
掟砖头：
掟砖头，斗大够，一掟掟到西门口，溅起浪花抛浪头。
捞鱼仔：
花手巾，真引人，基边捞鱼好过瘾，一兜一条好手运，千其吾好牟（蹲）到你头晕。
黐塘尾（蜻蜓）
黐塘尾，塘尾飞，飞到菜田基，田基有条蛇，吓亲你两仔爷。
煮饭仔：
煮饭仔仔先落米，风炉透火柴对齐，千其唔好咁拿西，我哋系细蚊仔。
打马仔：
一人骑角马，两人骑猪乸，三步要埋头，撞到面就打。
斗辣椒：
红辣椒，绿辣椒，平时你镲嘴藐藐，今日你无胆同我撩。
放臭屁：
鬼叫你甘贪心，闻佐我个屁，索入佐个鼻，我要你赔返二两四。
味水底：
味水底，摸泥沙，摸到泥沙当金龟，摸吾到系契弟。
钻台底：
陈德贵，住得矮，床下底有只鬼，吓到佢钻台底。
扯大缆：
一二三，三二一，肥婆跳舞顶{dy}！
“雪”滑梯：
细蚊仔，雪滑梯，因住跌落嚟，咪学陈德贵，成日流鼻涕，
跌亲个箩柚唔好睇。
过天梯：
过天梯，虾矮仔，人在云东过到西，唔怕米贵就最怕矮。
做大戏：
黑面李逵，红面关公，三国水浒乱晒龙，打败清兵系英雄。
弹象棋：
打棋子，靠眼屎，全凭眼界靠本事，唔好睇错认够屎。
画乌龟：
乞儿仔，画乌龟，一人一笔咪乱嚟，{zh1}果个人衰仔！
月光光
月光光，照地堂，年卅晚，买槟榔，
槟榔榔香，买紫姜，紫姜辣，买芙笪，
芙笪苦，买猪肚，猪肚肥，买牛皮，
牛皮薄，买菱角，菱角尖，买马鞭，
马鞭长，买屋梁，屋梁高，买把刀，
刀切菜，买锅盖，锅盖圆，买只船，
船头高，船尾矮，浸死两个番鬼仔，
一个浮头，一个浸底。
鸡公仔
鸡公仔，尾弯弯，做人新抱甚艰难！
早早起身都话晏，眼泪唔乾入下间，
下间有个爷冬瓜仔，问安人老煮定蒸，
安人又话煮，老爷又话蒸，
蒸蒸煮煮唔中安人老爷意，
大把拉盐又话淡，手甲挑盐又话咸，
三朝打烂三条夹木棍，四朝跪烂四条裙！
咁好花裙畀你跪烂，咁好石头畀你跪崩！
横又难，直又难，
不如舍命落阴间！
人话阴间条路好，我话阴间条路好艰难！
姑丈担凳
姑丈担凳孩儿坐，孩儿坐落就劏只鸡。
鸡会在门前喔喔啼，不如劏只鸭；
鸭又嫌鸭毛多，不如劏只鹅；
鹅又嫌鹅颈长，不如劏只羊；
羊又嫌羊脚叉，不如劏只马；
马又会送官出步头，不如劏只牛；
牛会耕田养人口，不如劏只狗；
狗会东西方有人嚟都知，不如劏只大猫儿；
猫儿又会捉老鼠，不如劏只大肥猪；
肥猪食主人三斗禄，主人食佢三块肥猪肉。
打开蚊帐
打开蚊帐，打开蚊帐，
有只蚊，有只蚊，
快啲攞把扇嚟，
快啲攞把扇嚟，
拨走佢，拨走佢。
打大书包
打大书包，打大书包，
有只猪，有只猪，
快啲攞支针嚟，
快啲攞支针嚟，
拮死佢，拮死佢。
麻雀仔
麻雀仔, 担竹枝，担上枝头望亚姨：
亚姨梳只玲珑髻，摘朵红花伴髻围。
袢带又长脚又细，咁好花鞋踩落泥，
咁好白饭喂只猫猫仔，
咁好姑娘嫁个烂赌仔。
椰子夹酸姜
氹氹紫姜，椰子夹酸姜，
鸡蛋煲茶十五样，
又担旗又担杆，
红毛火水腌完姜，
腌完一件又一件。
咬蔗须
咬蔗须，要睇毛，
短毛输，长毛赢，冇毛唔算数。
斗柑
搣开柑，数柑核，
边个核多就边个赢，唔准手赖就噉缩骨。
勾鼻佬
勾鼻佬，正死仔，
一入广东乱咁嚟，xx放火以为威。
点不知，有嘢睇，遇着陈棠就飞石仔，
打到佢爬喺地下要食泥。
执到两分钱
执到两分钱，留返过年，
过年有嘢食，留畀xxx，
主席话我乖，带我出街，
执到一张纸，写住大地主。
从前有座山
从前有座山，山上有座庙，
庙裏有个和尙喺度讲古仔。
佢讲咩古仔呢？ 从前有座山……
摇摇摇
摇摇摇，赶水过沙桥，
沙桥有螺执，搵眼针嚟挑，
细路哥唔要，畀只大香蕉
引到BB哈哈笑。
摇摇摇
摇摇摇，赶水过沙桥，
沙桥窄，砸烂你个烂屎塔。
大笨象，揸支枪
大笨象，揸支枪，去打仗，
打唔赢，返嚟食碗辣椒酱，
隔篱屋企烧炮仗，问你响唔响，
唔响掌你两巴掌。
碌铜仙
碌铜仙，打铜钱，
全凭眼界手出变，叮响铜钱畀个仙。
xxx
xxx，泥炮响，
唔使揸枪上战场。
飞麻鹰
摺纸机，麻鹰飞，
飞来飞去唔落地，麻鹰有条尾。
攋尿虾
攋尿虾，煲冬瓜，煮唔熟，赖亚妈
。
肥婆跌落河
肥婆肥婆跌落河，三只蚊螆咬肥婆。
撞跛脚
趌跛跛，跛咗蹄，
冇米煮，煮泥沙，
冇屋住，住楼梯，
楼梯有只鬼，吓到你瓹落牀下底。
顶手掌
伸长手，顶手掌，
死人都要顶硬上，咿牙崩哨就猫噉样。
打马仔
一人骑髆马，两人骑猪乸，
三步要埋头，撞到面就打。
斗辣椒
红辣椒，绿辣椒，
平时你牙擦嘴藐藐，今日你冇胆同我撩。
瓹台底
陈德贵，住得矮，
牀下底有只鬼，吓到佢瓹台底。
肥婆跳舞
一二三四五六七，肥婆跳舞顶{dy}，
跳得高裤头甩，跳得矮唔好睇。
新妇仔
新妇仔，着红裙，着咗红裙拜安人，
安人屙笃屁，弹到新妇笑微微。
白榄仔，暗暗香
白榄仔，暗暗香，大哥买归亚嫂尝。
亚嫂唔尝，畀过细姑娘，
姑娘得食随街唱，果然大嫂惜姑娘。
画乌龟
乞儿仔，画乌龟，
一人一笔咪乱嚟，{zh1}嗰个人衰仔！
萝卜头
萝卜头，点豉油，
点得多，咸过头，
点得少，淡茂茂。
佢以为，好正斗，
点不知，畀人踢箩柚，
一踢踢到西门口。
丫蝉喊
丫蝉喊，荔枝熟，
亚婆喊，买猪肉，
大人喊，畀滚水渌，
细蚊仔喊，畀米升焗。
猪头丙
猪头丙，扮老醒，
其实唔値个斗令。
肥腯腯
肥腯腯，买嚿猪肉去拜神，
行到半路屎窟痕，返到屋企冇晒人。
XXX个头
XXX个头，大过五层楼，
XXX只手， 细过荷兰豆，
XXX嘅屎窟屙豆豆。
以为佢好醒
以为佢好醒，原来系个猪头丙，
以为佢好Fit，原来系个大水灐
XXX，揸飞机
XXX，揸飞机，飞机失事撞玻璃，
返到屋企唔忿气，一脚踢烂部收音机。
又喊又笑
又喊又笑，乌蝇打醮，蠄蟧攋尿，
老鼠过桥，猫衣偷笑。
XXX同志
XXX同志，勇敢又机智，
揸住个灭火筒，冲入女厕，
人哋问佢几多次，佢话一次，
人哋话唔止，佢话一万次。
XXX，冲入女厕所
XXX，冲入女厕所，畀人捉住咗，
查佢户口簿，原来咸湿佬，
查佢身份证，原来反革命。
