经典童谣:
1、猜呈沉
呈沉剪,呈沉包,呈沉糯米叉烧包,老鼠唔食香口胶,要食豆沙包。
2、凼凼转
凼凼转，菊花圆，炒米饼，糯米团。亚妈叫我睇龙船，我唔睇，睇鸡仔，鸡仔大，拎去卖。卖得几多钱？卖得三两钱，得来买膏又买盐。（卖得三百六十五个仙。）
3、捉大贼
点指兵兵，点指贼贼,点着谁人做大兵，点着谁人做大贼。
4、点虫虫（1)
点虫虫，虫虫飞，飞到荔枝基，荔枝熟，摘满屋，屋满红，陪住个细蚊公。
5、点虫虫（2)
点虫虫，虫虫飞，飞到荔枝基。荔枝熟，无定仆，仆入阿仔个鼻哥窿。
6、骑牛牛
骑牛牛，牛牛走，牛牛向前咪回头，若然回头就打箩柚。
7、咕噜咕噜
咕噜咕噜一，咕噜咕噜二，咕噜咕噜三，准备开炮打敌人!
8、挑花篮
手指仔，挑花篮，穿来织去变化多；有鱼有虾样样变，我挑你挑赛神仙。
9、卖懒
卖懒，卖懒，卖到年卅晚，人懒我唔懒。
10、扯大缆
一二三，三二一，肥婆跳舞，顶{dy}。
11、过天梯
过天梯，虾矮仔，人在东来佢在西，唔怕米贵最怕矮。
12、黐塘尾（蜻蜓）
黐塘尾，塘尾飞，飞到菜田基，田基有条蛇，吓亲你地两仔爷。
13、摇篮曲
嗳姑乖，嗳大个姑仔嫁后街。后街有哋乜嘢卖? 有鲜鱼鲜肉又有鲜花戴，戴唔晒，丢落牀头畀个老鼠拉，一拉拉去隔离街。隔离街又有个扯皮鞋,扯下开,又扯下埋. 
14、路好行
行，行，行，行到街边拾个橙。橙好食，路好行。
15、拍大髀
拍大髀，唱山歌，人人话我冇老婆， 嘀起心肝娶番个，有钱娶个娇娇女，冇钱娶个豆皮婆。 豆皮婆，食饭食得多，疴屎疴两箩，疴尿冲大海，疴屁打铜锣。
16、月光光（1）
月光光，照地塘；年卅晚，摘槟榔；槟榔香，摘子姜；子姜辣，买萝卜；萝卜苦，买猪肚； 猪肚肥，买牛皮；牛皮薄，买菱角；菱角尖，买马鞭；马鞭长，起屋梁；屋梁高， 买张刀；刀切菜，买箩盖；箩盖圆，买只船；船沉底，浸死两个番鬼仔。（一个蒲头，一个沉底。)
17、排排坐
排排坐，吃果果，猫衣担凳比姑婆坐，坐烂个屎忽，唔好赖我，赖番隔离个二叔婆
18、丫蝉喊
丫蝉喊，荔枝熟，阿婆喊，买猪肉，大人喊，俾滚水渌，细蚊仔喊，俾米升焗。
19、白榄仔，暗暗香
白榄仔，暗暗香，大哥买归阿嫂尝。 阿嫂唔尝，畀过细姑娘。姑娘食完周街唱，佢话大嫂锡姑娘。
20、落雨大（1）
落雨大，水浸街。阿哥担柴上街卖，阿嫂出街着花鞋。花鞋花袜花腰带，珍珠蝴蝶两边排。
21、落雨大（2）
落雨大，去睇灯，唔见花鞋同手巾，边个执到畀番我，买盒靓茶谢你恩。果条手巾唔打紧，个对花鞋值万银。鞋头种得三杆竹，鞋尾种得一箩柑，中间起得一层楼，大个可以玩结婚。
22、鸡公仔，尾弯弯
鸡公仔，尾弯弯，做人新妇甚艰难。早早起床都话晏，眼泪未乾入田间。田间有个冬瓜仔，问过夫人煮定蒸。夫人话煮，老爷又话蒸，蒸蒸煮煮唔中意。大揸拉盐佢话淡，手甲挑盐又话咸。三朝打烂三条夹木棍，仲话：咁好花裙俾你跪到烂，咁好石头俾你跪到崩。横又难，直又难，不如舍命落阴间。人地话阴间条路会好行，我话阴间条路也甚艰难。
23、踩脚趾
咚啄，酸姜，你阿嫲，缠脚娘。
24、劈友
劈友，劈友，快啲走。走得快，好世界。走得嚤，无鼻哥。
25、捞鱼仔
花手巾，真引人，基边捞鱼好过瘾；一兜一条好手运，千祈唔好牟（蹲）到头都晕。 
26、飞石仔
勾鼻鬼，正死仔，一入广东乱咁嚟，xx放火以为威。点悟知，有嘢睇，遇着陈棠就飞石仔，打到佢爬喺地下要食泥。
27、鼻涕虫
阿猪仔，流鼻涕，眼大大，嘴细细，一二三四唔扭计。
28.斗柑
“篾”开柑，数柑核，边个核多就边个得，吾准赖猫甘缩骨。
29、跳橡筋
董存瑞，十八岁，为国牺牲炸堡垒，炸到敌人卜卜脆，全国人民流眼泪。
30、掟砖头
掟砖头，斗大够，一掟掟到西门口，溅起浪花抛浪头。
31、月光光（2）
月光光，照地堂，虾崽你乖乖睡落床，听朝（明天）阿妈要捕鱼虾啰，阿爷睇牛要上山坡，哦哦哦...... 阿崽你快高长大啰 帮手阿爷去看牛羊， 哦哦哦...... ，月光光，照地堂，虾崽你乖乖睡落床，听朝（明天）阿妈要捕鱼虾啰！ 阿嫲织网要织到天光，哦哦哦...... ，虾崽你快高长大啰 撑艇撒网就更在行，哦哦哦......
32、伏垒垒
一就预备，二就垒埋，三就开盘，四就嚟到，伏到算数。
33、估手指
估手指，要估中，边个吾中，就吾中用，裤浪底穿个窿。 
34、打波子
大眼鸡，咸鱼头，你屙尿，吾洗手。
35、碌铜仙
碌铜仙，打铜钱，全凭眼界手出先，叮响铜钱俾个仙。 
36、xxx
xxx，泥炮响，吾使揸枪上战场。 
37、飞麻鹰
折纸机，麻鹰飞，飞来飞去吾落地，因为麻鹰有条尾。 
38、趿跛跛
趿跛跛，跳跳脚，咚咚咚，上跳下跳似麻雀
39、撞跛脚
趿跛跛，跛佐蹄，无米煮，煮泥沙，无屋住，住楼梯，楼梯有只鬼，吓到你钻落床下底。
40、顶手掌
伸长手，顶手掌，死人都要顶硬上，依牙崩哨猫甘样。 
41、斗远
斗远掟石头，因住咪甩手，石头最无眼，掟亲吾好眼泪流。
42、咬蔗须
咬蔗须，要睇毛，短毛输，长毛赢，无毛果个悟算数。
43、赖尿虾
赖尿虾，炒冬瓜，炒吾熟赖阿妈，阿妈生着你哨牙，成日刨西瓜；（阿妈生着你哨牙，落雨唔驶怕。)
44、游戏
好波，二比零，三文鸡，四毫四，六只妈娄（猴）七条尾，十个老婆擒住你
45、哄细路
又喊又笑，乌蝇打醮，蠄蟧攋尿，老鼠行桥,猫咿偷笑。
46、西园菱角 
西园菱角两头尖，菱角落塘卖八仙。 八仙散落珍珠粒，珍珠跌落绣珠莲； 菱角红还著绿， 金橘著青李著黄， 金橘大过菠萝汉， 今晚慈菇坐歌堂； 三更鼓，闩闸时， 龙眼过园偷荔枝； 菱角担枪来打你， 吓得油柑碌堕地； 白榄听得嫌热气， 香椽煮错赖黄皮。 
47、姑丈担凳 
姑丈担凳个仔坐，个仔坐落就汤鸡。 鸡系门前喔喔啼， 不如汤只鸭； 鸭又嫌佢毛多多，不如汤只鹅。 鹅又嫌佢鹅颈长， 不如汤只羊； 羊又嫌佢羊脚叉， 不如汤只马。 马会送我出渡头， 不如汤只牛； 牛会耕田养人口， 不如汤只狗。 狗会见人就摇头， 不如汤只大花猫；猫儿又会捉老鼠，不如汤只大肥猪。肥猪食你三斗禄， 你就食佢三旧肥猪肉。 
48、小花猫 
小花猫，猫！猫！猫！ 会叫又会跳， 日裏逗著宝宝笑， 夜裏不跳也不叫， 静静守鼠洞， 老鼠出来要求饶！ 
49、金榄核 
金榄核，两头尖， 大哥留妹过新年， 留来留去留唔住， 一顶花轿到门边； 大哥打办红罗伞， 二哥打办金凤针， 胭脂水粉三哥买， 脚著花鞋四哥装， 五哥便买广州箱， 绿台绿椅六哥装， 七哥便买潮州杠， 八哥便买象牙床， 九哥便买猴子箱； 十个阿哥，十个阿嫂， 十个兵马伴姑娘， 行到桥头烧炮仗， 边个够佢甘鬼响！ 
50、猜呈沉
咚啄，紫姜、大笨象，揸支枪， 去打仗，打完仗， 返嚟食碗辣椒酱, 隔篱屋企烧炮仗， 问你响唔响，唔响奖你两巴掌。

51、xx
牙刷刷，苏刮刮，似你老豆做xx
52、洗白白
洗白白，洗白白，装到盆水喽，快洗白白。
53、落水
有只雀仔跌落水，跌落水； 有只雀仔跌落水，跌落水 ，被水冲去~~~~~
54、打蚊
打开蚊帐，打开蚊帐，有只蚊，有只蚊，快D罗把扇来快D罗把扇来，颇走距颇走距。 
55、打针
打开书包，打开书包，有只猪有只猪，快D罗支针来快D罗支针，桔死距桔死距。
56、肥婆
一二三四五六七， 肥婆跳舞顶{dy}， 跳得高裤头甩，跳得矮唔好睇。
57、喊
丑丑丑，丑甩耳仔送烧酒。
58、分野吃
萤火虫，唧唧虫，唧打唧，上天唧，上瓦上，碗来装，碗瓦碗，莲花碗，莲瓦莲，跳脚莲，跳瓦跳，蛇跳，蛇瓦蛇，白蛇，白瓦白，雪白，雪瓦雪，落雪，落瓦落，肠落，肠瓦肠。猪肠，猪瓦猪，野猪，野瓦野，想野，想瓦想，和尚，禾瓦禾，割禾，割瓦割，番割，番瓦番，翻倒一个仔入钱奀！
59、月光光（3）
月光光，秀才郎，骑白马，过莲塘，莲塘背，种韭菜，韭菜花，结亲家，亲家门前一池塘，有条麻绳八尺长，剪开麻绳两长短，短的拿来呃酒粮，长的拿来呃姑娘，呃个姑娘矮屯屯，早早起来打屎忽，打到屎忽红卜卜，家姑拿去喂田螺，田螺壳，吉倒阿公脚，阿公啊啊叫，新抱哈哈笑。 
60、雪条
雪条，雪条，有屎有尿，一分钱两条，吃了悟濑尿
61、人之初（1)
人之初，狗虱多，狗虱唔咬我，专咬先生两公婆。
62、人之初（2）
人之初，初之人，先生争我二百银。
63、等放学
日头落岭晒竹枝，先生叫我去背书，家家点着笼灯火，未曾放学到几时？
64、讲古仔
从前有座山，山上有座庙，庙里有个和尚系度讲古仔。 佢讲乜嘢古仔哩? 从前有个山，...... 
65、肥佬
梆！梆！梆！肥佬大游行，瘦佬跟住尾，肥佬放臭屁，瘦佬闻臭屁。
66、流口水
未够十八岁，参加消防队，食饭无规矩，训觉流口水..... 
67、男人头
男人头，女屎忽，飘柔二合一，入得唔出得，出得唔入得..... 
68、撞机
（某人人名)+渣飞机，飞机失事执玻璃，番到屋企唔奋气，一脚踢烂部收音机....... 
69、摸
摸摸摸，摸入女厕所，摸到个大萍果，一啖咬落去，原来屎忽锣，畀人捉住0左，查渠身分证，原来反革命，查渠户口簿，原来咸湿佬，畀人嫡去南丫岛做卜佬........
70、学校
呢间学校冇教育，教埋D学生偷腊肉！
71、干净
干干净净肺痨病
72、伯爷公
伯爷公，吹火筒，买只饼又穿窿，买碌蔗，又生虫，买只糍粑粘喉咙，喉咙痛，涂口红，涂得马骝屎忽红彤彤 
73、吹D哒
D D 哒，D D 哒，哨牙吹 D 哒，哨牙吹 D 哒，越吹越哨牙... 
74、入错厕所
XXX同志，勇敢又机智，揸住个灭火筒，冲入女厕，人地问巨几多次，巨话一次，人地话吾止，巨话10000次... 
75、落雨
落雨微微，水浸田基；田基有戏唱，阿婆躲落大蚊帐；蚊帐有木虱，咬着阿婆大屎忽。
76、月光光（4）
月光光，照北方；我跟啊爸体月光；我问啊爸话：为咩也有月光？啊爸话：月光照到你屎忽光！
77、光头
光头椰子，上山哦白屎，摸摸河度有督屎。
78、肥婆
肥婆肥冬瓜、生仔生南瓜、生得几多只、生得一百只、只只有尾巴
79、老豆
你嘅老豆系只大水牛， 工资一到手，飞身上茶楼， 三支大啤酒，四个咸鱼头， 食得你老豆又屙又呕！
80、流鼻涕
哎哟个鼻，鼻呀鼻涕泡， 泡啊泡鼻涕，剃啊剃光头， 头啊头穿窿，穿到文化宫！ 
81、日光日白
日光日白，老鼠偷萝卜。盲公睇见，哑佬嗌贼。跛手打锣，跛脚追贼。跛仔跌倒，潲牙婆咬渠两啖好悟好？
82、月亮
月亮出来圆圆，裏面有个龙船；龙船出来摆摆，裏面有个奶奶； 奶奶出来烧香，裏面有个姑娘；姑娘出来梳头，裏面有头水牛； 水牛出来喝水，裏面有个水鬼；水鬼出来点灯，烧着你鼻哥两头腾。
83、放屁
（某某人名）+晤够18岁,学人揸飞机,跌落坑渠窿,翻到屋企晤愤气,一拳打烂电视机,一脚踢烂收音机,闷闷地,删埋门,吡俚甭隆放臭屁,阿妈以为漏油气,原来个衰仔放臭屁

84.河边有只羊，羊边有只象，象边有只蚂蝼精好似你甘样
85.阿姨、阿姨行快的， 后面有人吹BB。
86.肥佬肥腾腾，买旧猪肉去拜神，行到半路屎弗痕，返到屋企没晒人，打开个痰盥有敌人，肥佬只好做难民！
87.萝卜头，点豉油，点得多，咸过头，点得少，淡谋谋。佢以为，好正斗，点不知，俾人踢罗柚，一踢踢到西门口。
88.1234567。肥婆跳舞顶{dy}。香港有个大目失。妈妈同距洗屎忽。年尾洗到年初一