呢个假期话甘快就过左一大半，琴日拉某只动物倾Q既时候，都开始担心翻学校戒网瘾既问题。翻去之后，又有好多野要烦，首先就系d法语，简直系唔知道点算先好，顺其自然，等死啦。跟住就系学生会宣传部，班细路就一直仲系未大透感，系宣传部，我得翻{zh1}一个学期啦，能够教到几多就几多啦，睇你地既造化啦。有时候，真系要比你地做更多既也，先会成长得更快，而唔应该系我成日怜香惜玉，感样你地会变温室花朵。旧年呢个时候，我咩都可以做噶啦，虽然画画就系难睇d，不过起码都可以做。翻去之后，我会将d工作既重点、流程话比你地知，等你地可以尽快去接手部门，而唔系到期末我走人之后，你地就“乸手唔成世”。

     好啦，d唔开心既也先唔好理啦，讲翻今日先。话说从年初二到年初六，都系排满晒既，每日都有好多也要做，好多地方去，好多亲戚、朋友要见。今日，早上应承左老妈子去云台花园睇郁金香，下午约左表姐一家去睇阿爷。其实前两日都已经搭左好多次BRT，试过系广卫路翻岗顶，试过从岗顶去棠下，今日就从师大暨大去云台花园。之前入BRT站台都冇带相机，今日带左，所以放下图感啦：

                                                  上面两张系师大暨大站双向既广角俯瞰图

     入站之后冇几耐，就来左一部B16，原来既240，好快就去到总站云台花园。不过，部车就快到总站既时候，一堆讲变种国语既同胞就开始兴奋，顿时我有一种唔好既预感。果然，当我同老妈子来到云台花园门口既时候，见到大量来自五湖四海既同胞。

     前两日电视上面介绍呢个郁金香展既时候，d花就真系鬼死甘靓噶，不过前两日天气甘暖，我着短袖出街都出汗，呢两日就冻成感，人都容易顶唔顺啦，米话d郁金香系度风吹雨打，一冷一热。所以，今日入园既时候，d郁金香就真系唔多睇得啦。而且呢，五湖四海既同胞们太多啦，距地当左呢度系距地屋企，随地吐痰，大声喧哗，爬入d花丛里面，系喷泉度玩水，顿时将20蚊既门票搞到一文不值。

                                                      貌似系{wy}一朵我觉得尚可既郁金香

                                 虽然郁金香唔掂，但系里面个温室就内容丰富，有兴趣既请浏览相册

     离开云台花园之后，就去到阿爷屋企等表姐地过来，不过距当时同我讲系3点半到，我等到成4点都未见距出现，因此阿爷打左个电话去问二叔公，原来表姐距地仲系二叔公屋企。于是就同老妈子去文德路稳野吃，本来想去吃刘福记西关面馆，点知距个炉坏左，迫不得已吃左隔离既黄英记。虽然，5蚊一碗既云吞面，有五只云吞，而且味道唔错，系天河系xx冇可能吃到，不过同刘福记相比，始终就系差感d。唔怕啦，来日方长，下次咯。

     上面张相里面d人，等我来介绍下啦，从左至右：温小姐（我堂妹）、我老妈子、我表伯娘、我阿爷、表伯、表姐、我。表伯系我老豆个表哥，住系佛山禅城，几年前我地一家三口曾经去佛山见过距。距系一个非常善良既人，表伯娘都系，距地一家年年都会从佛山专程来广州拉阿爷拜年。我对自己家族里面好多人都冇咩好感，而表伯一家就比我xx唔同既感觉，亲切、实在，唔似某d人甘唯利是图，甘虚伪。

     送走表伯一家，我同老妈子就行左去槐花前，以前阿爷屋企果度，我曾经都系果度住过。果附近，卢卡斯应该都系熟到烂噶啦。

                                                              就系从呢条楼梯上去啦

     从槐花前出去，就系文德东，里面有一栋xx既建筑物，叫做文德楼，话说周总理曾经系度住过。

     不过呢，假如果种讲法系真既话，感我地市委市政府既同志就已经忘记左周总理啦，既然立个牌系度，话系文物保护单位，又唔去理距，等距变成感既样，成何体统呢。

     晚黑，又系从广卫路翻岗顶，经过岗顶既BRT车站，正好系夜色下，所以又将距影左落来。本来打算用三角架，不过由于动作太大，所以选择用高ISO，大光圈来影，画质唔好，见谅：

     好啦，唔写啦，流水到此为止，早透啦！