引用

的

话说过年前我组织咗一班脑笋都未生埋嘅人打算去卖风车

好啦~咁就首先介绍一下D人物先:

一号人物→英俊潇洒,风度翩翩,气宇轩昂,曾经迷倒新一代无数少男少女嘅猛男,亦都系今次活动嘅组织者,即系本人.

二号人物→人称一步屎忽痕,十步吓死人嘅肥人族表表者,矮人族佼佼者,即系Neway婆娘是也

三号人物→头大冇脑,大细波,鸳鸯箩,愚蠢与白痴嘅代表,弱智同低B嘅象征,癫狂与无赖嘅化身--吖鱼是也

四号人物→路人甲西人黄伟是也

早系1月尾(其实我都唔觉早),我地已经去入好货,准备系过年前大搞一番

直到系2月5号,我地终于有我地自己嘅货架(一个纸皮箱加一个泡沫箱)

下午,开张大吉,系江南西搵到一个属于我地嘅天地(一个有饮水机加灯柱嘅路边)

OK~摆好风车,人手一揸,开始叫卖...

如果我冇记错,开始{dy}个顾客系一个好好人嘅中年阿姨

佢帮我地买咗一只风车,我地开价25,佢好好人,只系还咗2鸡价,{zh1}23成交

感激啊~帮我地开咗一个好头

之后一班颠鸡发晒矛咁乱叫,成为江南西一到亮丽嘅风景线

然后陆陆续续卖咗唔少风车,大概一个下午就已经十几只了

虽然有D价钱唔算好理想,但系始终都系{dy}次做生意

我地嘅分工好明确噶,自我感觉都已经算系唔错噶啦

搞掂晚饭之后,依然继续我地踎街边嘅生活...

可能有碌街灯柱外加街灯光另加行人稀少嘅马路衬托,我地四个显得十分唏嘘,无助

有种集体生意失败沮丧嘅身影...又有D似D捞佬通宵排队买火车票翻屋企过年咁嘅感觉

总然之就系沧桑啦!!

一晚落嚟,多咗4只嘅收入唔知系我地个款吓亲人定系我地个势吓亲人了

走鬼走到有四个人系度摆两个烂箱卖风车的...闻所未闻

{dy}日战绩唔错,有十几只嘅销售额

不过心情依然兴奋唔起嚟,因为屋企仲有成十几倍嘅货系度...

第二,第三日...落雨,滞销...无奈地落泪中.........

加埋都冇{dy}日嘅一半咁多...

D人都话唔使咁早买风车,话要等花街先买喔...撞鬼你咩

此时此刻,绵绵细雨最可以衬托我嘅心情...

我真系好想对住个天默默讲一句-----我叼你老味

落雨落到我生意都做唔到!!!逼我地仲要洗钱去隔离奶铺嗒奶...

落雨又落下停下咁,一地一摆档就落雨,一收档就停雨,唔通连个天都唔中意我?

此时此刻,我又想学广告讲:冇事嘅,希望在明天吖嘛...谁知狗屎年年有,今年特别多...落足咁多日!!!伐克~

一直到10号,日日都得个企字,D营业额奀到死...

一得闲就去嗒奶,益咗奶铺个老细添...

日日早上都7点几起身,晚晚都成两三点训,个人憔悴咗唔少...

不过感觉呢几日好充实,比起之前嘅莎莎滚,依家真系好好多

起码有得忙,感觉自己仲系有用的,起码叫做系赚钱吖...