又一劈ren凿
琴晚行完条长蒸路，冲完凉之后异常疲累~
搞掂篇日志一哒落床就昏迷~~
直到今朝隐约听到两老系度讲野，我知道当时系7点几，于是继续训！点知醒左望下手机，无电。。。
再开机。。。10点！！！！
搞到我拿拿声执翻个人洗埋个头就返工，翻到公司时间系11点~~
好啦，讲完我今日迟到之后，讲下我今日坐车嘅奇遇啦~
部61去到长堤站，上左好多客，司机倒后镜见到有个阿姨（目测50岁~55岁左右）系后边100米短跑咁追车，
司机就好心等埋距啦！个阿姨一上车就话：“我有老人证噶！”
司机就话：“咁你攞个证嚟嘟下距啦~跑得咁辛苦做咩啊，后边跟住就有车啦，赶时间就打的啊嘛！”
呢个时候。成车人都以为距谂住上左嚟先慢慢巢啦！
有个女人仲好好心让个位比距坐！呢个时候大家嘅目光都系望住距巢老人证！
距一路口up up话：“啊，个证呢稳唔到嘅？”
与此同时，大家都见到距攞左个月票卡出黎，之后又袋翻落个袋度！
坐距对面个阿婆就出声了：“头先果个咪系咯，做咩唔攞出黎喈~”
之后左右隔离嘅人都帮口：“就系咯，头先明明见到你攞左个月票卡出黎噶啦，自己又收翻落去。”
个阿姨无出声，继续系度扮巢老人证！
于是，司机同其他乘客就开始单打距啦，@#￥￥%#@#！！@%……
但距仍然好似听唔到咁，仲停止左巢老人证添！
到站之后，距仍然系无落车嘅打算，稳稳阵阵咁坐系距个老人位度！
而我就到站了，睇唔到后续发展~~
不过个结局都估到噶啦，司机都无距咁好气，距又厚面皮坐到目的地~
我觉得呢，距最多都系大我阿妈1 2岁，{jd1}未到免费坐车嘅level，睇距衣着又唔觉得距连1 2蚊都比唔起咯！
但系点解要做呢D咁劈ren嘅野呢？搞到犯众憎有咩为啊？我系司机就直接赶距落车了~
就算个司机真系无提成，但系呢个阿姨咁嘅行为系唔应该纵容，有得一次，距就有第二次！
久唔久我D粪青指数就会上升。。。。
