青心直说：分好板块等能源政策出台 2010年01月29日
国家新能源布局升呢，总理温家宝出任能源委员会主任，系国务院直属机构，反映新能源规划已入{zh1}直路。

昨日喺 A股上市嘅中国西电，竟然跌穿招股价，认真唔畀面。讲开西电，冇得买都要识吓，佢系连接中国「西电东送」同「三峡工程」嘅骨干，同样系国务院国资委直属国企，系内地{zd0}的高压输配电设备生产商。

市况唔就，市场低估咗呢次能源决策机构升呢嘅利好作用。因为自从 1993年撤销能源工业部后，一直未有统一上下政策嘅能源管理部门，引致供求严重失衡，例如煤价可加、电价冇得加、成品油定价机制改咗等于冇改、新能源一窝蜂炒到产能过剩。冇协调系因为能源管理嘅职能分散至多个部门，各自为政。

吼设备股冇走鸡
温家宝呢次胆拖副总理xxx，高调掌管未来能源政策，预料会有大动作去统战全国能源发展，投资者要非常留意，风向到底有冇转变。未等到总理出手，我哋梗要两手准备，将板块内优质股写好记住，见边个板块开始异动，往往就系利好政策出场之时。

新能源不外乎系核电、风电同太阳能呢 3瓣。核电发展目标系到 2020年将核电装机容量提升至 8000万千瓦，占总用电量 7%，投资规模 9000亿元人民币，未来 5年要建 9至 10座新核电站。核电股概念早前有分析过嘅中核国际同有中广核撑腰嘅银建国际。风电发展都拍得住核电，预计去年新装机容量已有 1000万千瓦，代表作有龙源电力。太阳能政策仍较为摇摆不定，炒味较浓。

搞乜电都好，总要有中国高精密嘅电表，亦唔少得上海电气、哈尔滨动力、东方电气等设备股。以上并非推介，只系帮大家分类，唔好再问边只买唔买得。

胡孟青