青心直说：绑好安全带炒世博概念股 2010年01月19日
市况变幻无常，沽压非常大，若打开恒指周线图，就会发现大市自去年 10月中重上 22000以来，一直打横行，家有啲重心下移倾向，形态上慢慢出现一个大圆顶。乐观看法系累升过万点后要回气休息吓，喘定再上 26000。就上个月资金情况睇还可以，但自从人行加存款准备金率后，「无私显见私」出嚟话唔系收紧资金，印度又话要退市、港汇转弱……小心资金流走，平顶高原变大圆顶回落派货。

所以喺xx投资讲座中，提醒散户市升要居安思危，小心今年{dy}季低基数效应下嘅业绩假象过后，公司盈利无以为继，因此投资策略要特别具机动性及防守性。所谓机动性，简言之系要够贴市，除咗知道当日焦点风向点变，仲要将同板块嘅股份用纸笔记低，每当该板块嘅 A股开市出现异动，即刻要留意 H股及中资同类股走势。

方兴有望跳弹床

家阵食糊越嚟越难，即使捉啱板块，都要以xx智慧往上找，搵啲仲未升嘅上游业务绿洲。就以噚日炒上海世博倒数 100日为例，正路会谂锦江酒店、上海实业，但市场点会就咁算，结果炒到只港佳控股。原来港佳喺上海有超市「吉买盛」，同北京嘅便利店「好邻居」，两地加埋超过 150间分店，计划发展为全国性超市。

到底世博系咪可以带旺便利店等超市生意确系非常成疑，但连联华超市都创新高，咁贵仲有人追，似乎市场忘记咗超市毛利低嘅特性，可见已炒到冇嘢好炒，资金转炒世博炒春运销售旺季，仲有百货股同个别见底回升嘅上海概念内房。

百盛集团喺内地 26个城市，包括上海、西安、重庆、无锡等经营百货店，走中xx路线，有啲似香港嘅崇光。呢类百货公司{zz0}钱嘅业务系卖礼券卡，系官场职场黑白两道嘅送礼佳品，所以百货公司嘅货品可以卖贵市面两三成，因为礼券卡有到期日，消费者要赶喺到期前「求其」买啲唔等使嘢。股价跌到残，要玩就要做好安全措施。至于见底回升嘅内房股仲有方兴地产同国家队嘅保利香港，有望食住个势跳弹床。

胡孟青