工作结束，娱乐时间开始。今年系我毕业后既{dy}个Christmas，真系好期待，原本计划同龟龟过返个浪漫圣诞噶，但睇黎系赶唔切噶啦。不够可以同鸣哥仔一齐过都系好特别啦。鼓浪屿既圣诞真系好值得令人向往。

      开始习惯阳光假日酒店既早餐，舒适既环境，品种多样既早餐，有炒粉，白粥，面包，寿司，咖啡等，但依然觉得无乜好食。今日既早餐有D无奈，因为每日都系食噶D。鸣哥仔话我四百几蚊就食个粉.......

      早餐之后我地就返客房执嘢兼退房，行李小多，欢欢之前已经做咗好多嘢，于是就安排佢去退房，我地罗行李。鸣哥仔一直坐系我铺床度睇电视，我以为佢唔舍得部电视，后来至知佢以为欢去洗手间所以至等佢，真系晕....

      好艰难至将所有行李搬落车，中途竟然无一个服务员帮手罗行李！服务不足啊，我要投诉！！

      同厂签好合同之后，鸣哥仔终于做咗一个佢想咗好耐而又有D疯狂既事——拆车牌！因为之前我地一路都系上套，落套太麻烦啦，我地为咗可以全程超速，拆！真系觉得佢有D疯狂，不过唔知点解好兴奋，因为此刻的佢同平时噶个斯斯文文既样xx唔同，有D坏坏咁，O(∩_∩)O~

      拆牌之后我地就全程无忧咁向厦门狂奔！

      上高速噶时已经12点呢，到咗下昼，我已经好眼瞓啦，而坐后面既欢更加早就瞓着呢，真系难为鸣哥仔仲要一边130km/h，一边同周公作斗争。后来佢见我有动静（其实我一直都无瞓着，只系闭目养神），至叫我畀D嘢佢咬下，提下神。后来欢醒咗，我地至格硬搵话题，等佢精神D，因为无人讲嘢既下午真系好容易令人眼瞓。一路上鸣哥仔都唔畀欢开车，佢话高速对新手黎讲好危险，佢要对我地负责，更何况我地要全程超速！

     终于要开包奥利奥啦，一路上，鸣哥仔系车上食既嘢基本上都系我喂既，因为佢要专心开车，我就唯有服务周到啦欢似乎有D妒忌，佢要我都服务周到，呵呵，咁就要你伸把口过黎啦，点知伸到饼边又话费事我插去唔知边个窿度，真系晕啊，都唔知好嬲定好笑.......

      到达厦门已经系6点几呢，但已经黑晒呢，厦门都几靓，有D似广州。鼓浪屿系厦门既一个岛上，岛上系无机动车既，{wy}既交通工具就系电瓶车，所以我地要将部车泊系对岸，上岛之前我地要先医下肚，厦门有好多餐厅，睇落都几好食。后来我地去咗间东南海鲜馆，食咗小满足既一餐，噶个锅蛋牛肉真系好正啊！！

      厦门既人行道好多都划为收费停车区，由物管公司统一管理，不过要系师范时候搵个车位都几难下。之前听讲厦门既海关大厦几出名，夜晚系灯饰既衬托的确几好睇既，不过日头睇就一般啦。

      食饱之后我地就将车泊系渡轮码头既停车场，简单执咗一下行李之后落车时至发现鸣哥仔好重要既胃药漏咗系瑞安，真系晕啊，仲好意思问我地有无执齐嘢，不过既然无需要另外买就继续出发啦！！

      发往鼓浪屿既渡轮系去时免费，返程时￥8/人，不过如果你去噶时想系2层睇风景就要加收￥1啦。好好彩，我地刚好赶上一趟船，企稳就开船啦我地都罗住小行李，不过人小多，无地方扶，鸣哥仔竟然好gentlemen咁讲无地方扶就扶住我啦，(*^__^*)感觉有D唔好意思添~~~欢尴尬咁拉咗佢衫袖一下，我见欢都咁罗，我就示意咁拉咗佢衫一下.....或者佢都觉得奇怪呢，后来佢就建议我地上2层呢，上到2层唔使逼，有位坐，有风景睇就当然唔同气氛啦，我同欢小兴奋咁去映相，而鸣哥仔就睇行李，佢似乎都累呢，不过估唔到厦门离鼓浪屿系咁近既，5分钟都无就到岸呢......

      上岸后坐上酒店既电瓶车就向客房出发呢，坐酒店既电瓶车就好似坐过山车咁，忽上忽下，因为鼓浪屿既路都系依山而建既，鸣哥仔坐靠边佢竟然觉得冻，佢平时仲咁耐冻！而我就觉得难得既凉爽，海风真系好舒服~~~

      check in之后我同欢住观景房，鸣哥仔住观海房。

      海上花园酒店真系好似一个花园咁。由于鼓浪屿岛上有限高，所有建筑都唔可以超过3层，所以我地既酒店系岛上{zg}既建筑，而且系{zgj}既，不过客房 就只有九十几间。

      今晚系Christmas Eve，我真系好想去教堂。问咗一下服务员周边环境之后我地就匆匆咁出去逛啦，因为夜晚既鼓浪屿别有一番风味！

      不过好扫兴既系鸣哥仔太唔合作啦，一路上都系话我拣错酒店，仲不如住对岸既，因为同佢心目中既差好远，又话鼓浪屿只系乡村咁.......同佢好无瘾咁兜咗一个圈之后，我同欢决定听朝一早起身去补晒今晚既相！

      其实鼓浪屿话大唔大，话细唔细，我地行到一只嘢咁。仲行到入居民区。不过我仲系觉得鼓浪屿夜晚既街道好好feel，小巷，酒吧，一小群年轻人聚埋一齐倾下计，真系好舒适。

      后来我地行到去一个公园仔，噶个公园仔无灯，黑麻麻，为咗避免兜转头，我地决定穿过去！不过越行得入就越黑，真系好恐怖啊！！鸣哥仔就净系叫我地唔使惊架，仲系度讲冷笑话.....欢担心会突然弹个贼出黎打劫，而我就怕发生恐怖事件，例如无啦啦弹只不明物体出黎，噶种环境实在太适合拍恐怖片啦！！

      有那么好长时间既一刻，我真系惊到好想拖着佢只手！！黑得我都有D惊啦！但系我仲系死顶住讲“唔使惊，我照你地”，或者我唔应该死顶，我应该拖住佢只手，因为其实我都好惊突然弹只鬼出黎噶！

      好在有惊无险，我地穿出恐怖公园，行上一条路。后来我地兜到去码头，噶度有间码头吧，系一间好好feel既酒吧仔，我地行到又喝又累，当然要补补啦，一支科诺娜，留底咗我地3个{wy}正式小小既合照。

      返到酒店快12点呢，虽然无去成教堂，但系咁都已经好满足啦，虽然沿途见到既人都系一对一对既多，我地咁样2女1男好似怪怪地咁，但系我地2个都唔介意，你鸣哥仔就唔好要求咁多啦，O(∩_∩)O哈哈~

      帮佢开咗房门之后同佢参观咗一下佢既观海房，黑麻麻，间房乜景都睇唔到，不过床头柜多只袜，系酒店送既圣诞礼物。鸣哥仔将佢转送咗畀我，O(∩_∩)O~，系我既{dy}份圣诞礼物

       Merry Christmas!!