其实，只不过系自己无聊想更新下啫，本来系想写其他野噶，但念下又想懒下，所以就一边听歌一边写流水账了。

最近都无咩事，只系工作上比较郁闷，一日之内比老细话咗我三四次，夏日炎炎已经好烦噶啦，仲要系我耳边咦咦哦哦烦唔烦噶啊，所以我都唔使比面老细，区话咩我就嗯、哦咁敷衍过去，有本事你炒咗我咯老细。最唔顶得顺噶就系前日同大厨吵架，详细情况系果日我同个油锅讲炸咩炸咩，跟住个屎忽大厨扔低个勺好恶咁对住我讲：叼你老母HI！我当堂窒咗下，跟住当然闹翻区啦，唔系真系当我傻噶咩，死人大厨个屎忽鬼唔识广东话就讲普通话啦，难听到死。跟住全餐馆都听到我同大厨吵架，老板就走出来问我咩事，我就直接讲话大厨无啦啦闹我咯，跟住老板都无出声，老细都正一屎忽鬼，比个上海大厨揸住条颈声都唔敢声。果日啱好早上餐馆个抽风坏咗，所以厨房基本上都处于70°以上噶高温，其他人都无发烂渣你个垃圾大厨吵乜野，全餐馆几乎无一个人中意你，自己又唔检讨下，唔中意边个就系老细度打小报告，搞到全餐馆呢人都觉得大厨神憎鬼厌，好了，近日又将餐馆噶铁板师傅逼走，难为区开口同老细讲话自己同铁板师傅唔夹要区执包袱走人。呢个世界垃圾噶人见得多，咁垃圾噶人真系{dy}次见，对区噶不满不单只系区咩都管，仲要系唔开饭送呢家野罗命，作为一个餐馆噶大师傅你唔开饭送ok，但你都唔可以唔比人家煮饭送其他人吃噶嘛，离谱到每次自己煮完比自己吃之后就将抽风关咗，火都无埋吃屎么！相信系全餐馆噶怨声载道下每个员工好快就忍受唔住走噶走辞职噶辞职，所以我都系度等，等紧一个时机，当机会来临之际我就会离开呢度，毫不犹豫。

唔知各位最近有无留意世界杯呢？我呢个篮球爱好者基本上唔会点留意足球，因为我好难顶得顺全场22个人踢来踢去竟然可以一球唔入。但系由于最近德国进入世界杯四强，而且呢支国家队几乎全部都系年轻人，好似德国轰炸机穆勒区就系一个年仅20岁噶前锋，20岁，系呢个年纪我净系识得玩同饮，人家已经系世界噶舞台上崭露头角了，所以我哋做人一定要不甘人后力争上游。听晚，8点半，德国对阵西班牙，我相信配合绝妙攻守兼备噶德国战车一定会将西班牙斗牛士夺冠噶梦想碾碎，西班牙，你哋翻屋企斗牛啦。

系呢度你好容易就会比人家噶热情感染，好似前排德国战胜英格兰同阿根廷呢两个劲旅之后好多德国佬都会揸车到大街度游车河，仲要打开天窗挥舞住国旗，当区哋面向住我呐喊噶时候我亦都会挥舞住双手回应区哋，呢种真真切切噶爱国热情系我从来都无感受到噶，真正噶爱国系会为自己噶国家进步或胜利而自豪。听晚，我都会去法兰克福大街上做一回德国伪球迷。

近来各位好似都无咩大事咁啵，即系个个都平安啦，虽然天气热，但系你哋热有冷气叹吖，我热又唔可以除衫，翻来都系得把风扇慢慢摇咋。突然好挂住你哋吖，今日睇到三亚噶露营旅游，好想同你哋去啊，浪涛声、烧烤、阳光、海滩、海风、虫鸣鸟叫、月夜，好想同你哋一齐经历呢D咁富有回忆噶野。唔知几时先可以翻来呢。

好了，牢骚发完了，昨晚累到无关灯就训咗。天气热注意防晒唔好热感冒啊你哋，晚安啦。