2010.06.28 12:23

来电 020-28812959

11:44.昭源跟我说安永在发offer.他收到了.

好了我紧张到看着那个云吞吃不下.一直在等.

呢段时间.紧张.忐忑.祈祷.求安慰.

同鹏.陈灏.锋哥系度呻.搞到锋哥都紧张埋.

鹏同陈灏都手握移动啦.锋哥手握德勤.坐等安永

我就~祈祷等安永安利.两手空空.

德勤被飞之后.好好总结自己既不足.调整心态.

然后投奔24.投入无限既CPA会计税法审计资产评估投资学银行会计复习.

我林我EQ真系好低

12:23 28开头的电话.我激动了.

拿电话既时候手震.手机绳同耳机线缠埋一齐.越整越乱.惊果边会挂掉.

"你好."

直到果边话系安永人力资源部.我先定落来.好惊系28开头既垃圾电话T-T.

听到被录取.我真系开心到讲5出野.要哭了.

HR问我几时考完试.有个见面会.

HR问我有无问题~我一片空白.话暂时无.因为好开心

好啦~HR同我渣住电话一齐笑了.

不停讲多谢.

入番宿舍.我渣住小杜只手.话我收到啦~

小杜大叫.我开心到即时喊左.揽住距喊.

之后打比鹏.高怡.Susan.妈咪.璐璐姐.大雄.发信息比大佬.

留言比系US既KK.话比陈灏.LEO.大叔.蠢小姐.光展距地知~

然后好开心原来老婆都一齐收到.

就好似坐过山车一样.可能我喊.真系夸张左D.

但因为稳到自己中意做既野.真系好激动.呢度系梦想既起点么.

我都知呢条路仲有好长.可能好辛苦.可能成日OT.我知道而加先系一个开始而已.

要努力.要加油.打爆CPA!!!!

专注并热爱你既事业.

记得德勤既沮丧.怨念左一日.夜晚去内环散步.记得比我烦左一日既筠筠.

但因为德勤.更加坚定要做审计.

多谢小武哥大叔高怡校内改状态.低调D嘻嘻.我爱你地.

多谢你句愿主保佑你

多谢比机会我去体验过既金蝶.安永.德勤.环球市场.安利.

多谢{dy}个要我.但我无去实习既金蝶- -.多谢比机会我既IDP.

多谢daddy.我知你一直系我身边既.多谢妈咪.好耐无翻屋企啦.

多谢寻晚无端端被视频既暴力.仲有梁茵啦~jelly啦~陈素啦~LULU啦~傻超啦~张雪啦~吖麦啦~死啦好惊漏人.陪我大.一齐玩既朋友仔

正如高怡讲既

为了你喜欢的.加油去干吧!

希望顺利签约.

稳实习稳工既几个月.成长好多.体会好多.收获好多.今日终于内牛满面

安永我爱你~

加油啦毬毬人.

多谢呢首安抚我情绪既歌