个天气真係变态㗎，寻日真係冻到咧，夜晚要搵冷气被出嚟先搞得掂。

一冻就觉得肚仔饿，即刻谂到煮一啲惹味好送饭嘅餸。

咁就煮佐一大大煲嘅「咖喱牛腩」

一人大大一碟唔洗谂。。。。

如果係平日，我会提早一日焖定，第二日再食先至入味够腍。

因为係临时突发性想食嘅嘢，而牛腩係需要一定时间先会煮得够腍，时间关係，买佐牛腩返嚟，唯有先用压力煲压一压腍先。

想个牛腩有个基础嘅味道，又同咖喱味搭得到，所以係水入边加佐「白酒、八角、草果、香叶、少少盐」，用压力煲煮佐十五分钟。

就咁聞，已經好香好香啦。。。

除佐牛腩，總買佐磅牛筋。

將佢哋剪成大粒。

咁肉嘅方面就準備好啦。

配料方面，我準備佐一啲可以令咖喱更加香嘅添加物。

將二個細蘋果刨成蓉。

我用佐薑蓉刨去刨蘋果，好易刨㗎，刨得又夠蓉，好方便。。。

咖喱必不可缺嘅幾個夥伴「洋蔥、甘筍、薯仔」

加埋蘋果蓉，搞掂。。。。

加蘋果蓉除佐會香甜啲，總會令到個咖喱汁濃稠好多㗎，唔洗話落生粉果啲去人為地令到個醬汁結稠，效果好好多。。。。

屋企用哂舅母自己舂嘅咖喱料，咁唯有用咖喱粉嚟整啦。

係印尼商店买佐一大包嘅印度咖喱粉，好香好香㗎，我比较钟意食印度味道嘅咖喱，感觉味道重啲，香好多。

个咖喱嘅炒法好简单：

1，镬落油，炒洋葱炒到出香味炒到软身，倒入咖喱粉，用油炒出香味，如果就咁落咖喱粉係无乜味㗎，要用油炒一炒先出香味，除佐咖喱粉，我总落佐啲孜然粉同芫莤籽粉增加个香味（我直接就係煲仔入边落油炒香配料）

2，然后倒入甘笋、薯仔同苹果蓉炒一炒

3，{zh1}加入剪好嘅牛腩，加水，落盐，落少少糖较个味。（糖少啲，因为苹果蓉入边有甜味）

4，煮大约半个钟之后，倒入椰浆，开大火煮一煮等椰浆入味熄火，搞掂。。。。

椰浆一定唔好太早落，因为椰浆越煮出越多椰油，所以通常椰浆都会{zh1}落煮一煮就好啦，不宜久煮。

因为先用压力煲压过牛腩，所以食落都好腍啦，不过如果讲好味，当然係慢火煮出牛肉味先最正啦。。。不过时间关係，咁样先压一压腍再煮嘅牛腩，都OK接受个味道啦。。。

老公都係食慣佐港式咖喱嘅味道，尋晚咁樣煮嘅咖喱，就好接近港式咖喱味啦，所以佢一返到屋企，已經大叫「好香啊」~~~

一食，再次大叫「好好味啊。。。。。」

咁大大一煲嘅咖喱牛腩，起碼要食幾餐啦。。。。所以老公即刻話：

「聽日晏晝我返嚟食飯」